میدیای ئیسرائیل: شەڕی ئێران نزیکەی 10 ملیار دۆلاری تێدەچێت

ئاڤا نیوز

میدیایەکی ئابووریی ئیسرائیلیی ئاشکرای دەکات هەر هێرشێکی سەربازیی بۆ سەر ئێران تێچووەکەی دەگاتە 10 ملیار دۆلار، کە ئەمە تەنها خەرجیی سەربازیی کورتخایەن دەگرێتەوە.

لێدوانی فەرمی: ڕام ئەمیناح، ڕاوێژکاری ئابووریی پێشووی سوپای ئیسرائیل ڕایگەیاند: ئەگەر ئیسرائیل هیچ هێرشێکیش نەکات، تەنها بۆ پاراستنی خۆی و ئیشپێکردنی سیستمە بەرگرییەکان دەبێت زیاتر لە 3 ملیار دۆلار خەرج بکات.

زانیاریی زیاتر: سایتی "کاڵکالیست"ی ئیسرائیلیی خەمڵاندنی بۆ ئەوە کردووە کە تێچووی جەنگ لەگەڵ تاران بەپێی ماوە و جۆری پێکدادانەکان دەگۆڕێت، بەڵام وەک بنەما بڕی 10 ملیار دۆلاری بۆ دانراوە. ئەم ژمارەیە پاڵپشتە بەو خەرجییانەی کە لە جەنگی 12 ڕۆژیی ساڵی ڕابردوودا تۆمار کران، کاتێک ئیسرائیل 6.5 ملیار دۆلاری لە ماوەیەکی یەکجار کورتدا خەرج کرد.

٠ جەخت لەوەش کراوەتەوە کە ئەم 10 ملیار دۆلارە تەنها بۆ تفاق و خەرجیی سوپایە و بە هیچ شێوەیەک زیانە مەدەنیی، مرۆیی و ئابوورییە گشتییەکان ناگرێتەوە، کە پێشبینیی دەکرێت ئەگەر شەڕەکە درێژخایەن بێت، تێچووەکە چەندین هێندە بەرز ببێتەوە.