وەزارەتی ناوخۆ ڕەتی دەکاتەوە ڕێککەوتنی بەکارهێنانی ناسنامە لەبری پاسپۆرت لەگەڵ ئێران واژۆ کرابێت

ئاڤا نیوز

وەزارەتی ناوخۆی عێراق، ڕەتی دەکاتەوە، هیچ ڕێککەوتنێک لەگەڵ ئێران واژۆ کرابێت کە ڕێگە بە بەکارهێنانی ناسنامەی باری شارستانی بدات لەبری پاسپۆرت بۆ گەشتکردن لەنێوان هەردوو وڵات.

 

ئەوەی پێویستە بیزانیت: بەشێک لە ماڵپەڕ و پێگە هەواڵییەکان لە میدیا و تۆڕە کۆمەڵایەتییەکان هەواڵی ئەوەیان بڵاو کردبووەوە، گوایە عێراق و ئێران ڕێککەوتنێکیان واژۆ کردووە کە ڕێگە بە هاووڵاتییان دەدات بە ناسنامەی باری شارستانی گەشت بکەن.

 

لێدوانی ڕۆژنامەوانی: عەمید میقداد میری، بەڕێوەبەری ڕاگەیاندنی وەزارەتی ناوخۆی عێراق ڕوونی کردەوە "ئەوەی واژۆ کراوە تەنیا یاداشتێکی لێکتێگەیشتنە، نەک ڕێککەوتننامەیەکی تەواو."

 

میری ڕوونیشی کردەوە، "یاداشتەکە لەسەر بنەمای مامەڵەی دوولایەنەیە و تایبەتە بە بەکارهێنانی ناسنامەی باری شارستانی لە جیاتی پاسپۆرت بۆ گەشت کردن."