كارمەندانی گرتووخانەكان ئاشنای شێوازی مامەڵەكردنی وڵاتی چین لەگەڵ گیراوان دەكرێن

ئاڤا نیوز

كارمەندانی گرتووخانەكانی هەرێمی كوردستان ئاشنای شێوازی كاركردنی وڵاتی چین دەكرێن لەبارەی چۆنیەتی ڕەفتار و مامەڵەكردن لەگەڵ بەندكراوان و گیراوانی نێو گرتووخانەكان.

چیرۆكی سەرەكی: ئەمڕۆ شاندێكی كۆنسوڵگەریی كۆماری میللی چین بە سەرۆكایەتی لی لینچین، بەڕێوەبەری كاروباری كارگێڕیی كۆنسوڵخانەكە، سەردانی بەڕێوەبەرایەتیی گشتیی چاكسازیی كۆمەڵایەتیی سلێمانیان كرد بە یاوەری نوێنەری فەرمانگەی پەیوەندییەكانی دەرەوەی حكومەتی هەرێمی كوردستان، لەلایەن ئیحسان بابان، بەڕێوەبەری چاكسازییەكە پێشوازییان لێكرا.

لێدوانی فەرمی: ئیحسان بابان، بەڕێوەبەری گشتیی چاكسازیی كۆمەڵایەتی لە هەرێمی كوردستان بە ئاڤا میدیای ڕایگەیاند، لە كۆبوونەوەكە جەختمان لە بەرەوپێشبردنی پەیوەندییەكان و هەماهەنگی كرد لە ئەنجامدانی كاری هاوبەش لە ساڵی نوێدا، لەپێناو ئەوەی كارمەندانی گرتووخانەكان سوود لە ئەزموون و شێوازی كاركردنی وڵاتی چین وەربگرن لە مامەڵەكردن لەگەڵ حكومدراوان و گیرانی بەندیخانەكان بەئامانجی دووبارە شیاندنەوەیان بۆ دووبارە گەڕاندنەوەیان بۆ نێو كۆمەڵگە.