ئەمریکا فەرماندەیەکی سوپای پاسداران دەخاتە لیستی تیرۆر

ئاڤا نیوز

 

بە تۆمەتی بەڕێوەبردنی گرووپی تیرۆریستی لە ڕۆژئاوا، ئێف بی ئای ئەمریکا فەرماندەیەکی سوپای قودسی سوپای پاسداران دەخاتە لیستی تیرۆر.

 

وێنە گەورەکە: پۆلیسی فیدراڵیی ئەمریکا (FBI)، گەڕانی بەدوای کەسێکدا بە ناوی "سەعید تەوەکولی" ڕاگەیاند، کە وەک فەرماندەی یەکەی (11 هەزار)ـی سوپای قودس ناساندووە کە وەک پۆلیسی فیدڕاڵی ئەمریکا دەڵێت ناوبراو بەرپرسیارە لە ئاراستەکردنی گرووپی ئۆپەراسیۆنەکانی تیرۆر دژی ئامانجە ئیسرائیلییەکان و بەرپرسانی ئەمریکا.

 

بڵاوکراوەی فەرمی: بە بڵاوکردنەوەی ناوی تەواوی و وێنەی ئەو بەرپرسە ئێرانییە FBI داوای لە هاووڵاتیان کرد هاوکاریان بکەن ئەگەر هەر زانیارییەکیان هەیە سەبارەت بە شوێنی یان چالاکییەکانی تەوەکولی.

 

زانیاریی زیاتر: FBI "سەعید تەوەکولی" وەک فەرماندەی یەکەی "11 هەزار" ناساندووە، کە ئەم یەکەیە بە گوتەی بەرپرسانی ئەمریکی بەرپرسیار بووە لە پلاندانان و ئاراستەکردنی ئۆپەراسیۆنە هەواڵگری و ئۆپەراسیۆنەکانی سوپای پاسداران دژی ئامانجەکانی ئیسرائیل، هەروەها بەرپرسانی ئێستە و پێشووی حکومەتی ئەمریکا لە ئەوروپا و ئەمریکا.