ڕووبەری زیاتر لە 30 گوند لە سنووری هەولێر فراوان دەکرێن

ئاڤا نیوز

بە بڕیاری ئەنجوومەنی وەزیران لە ڕێگەی لیژنەیەکەوە، ئاسانکاری بۆ زیادکردنی ڕووبەری گوندەکان دەکرێت بەمەبەستی ئاوەدانی و خزمەتگوزاریی زیاتر. سەدان گوند داوای فراوانکردنی حەرەمەکانیان کردووە، لەلایەن لیژنەکەوە بەدواداچوونی لەسەر دەکرێت.

وێنە گەورەکە: کابینەی نۆیەمی حکومەتی هەرێمی کوردستان، بەشێوەیەکی ڕژد کار لەسەر گەیاندنی خزمەتگوزاریی بە گوند و ناوچە دوورە دەستەکان کردووە بەو ئامانجەی ئاوەدان ببنەوە و کەرتی کشتوکاڵ و ئاژەڵداری ببوژێنەوە.

لێدوانی فەرمی: هێمن سەید موراد، بەڕێوەبەری گشتیی کشتوکاڵی هەولێر بە ئاڤای گوت، "34 گوند لە سنووری هەولێر، ڕێککارەکانیان لە قۆناغی کۆتاییدایە، ڕووبەر تەرخانکراوە و ڕەگەزی زەوییەکان یەکلایی کراونەتەوە، لە داهاتوویەکی نزیک بڕیاری فراوانکردنی حەرەمەکانیان دەردەچێت."

ئەوەی پێویستە بیزانیت: فراوانکردنی ڕووبەری گوندەکان چۆنە؟؛ بۆ نموونە گوندێک ڕووبەرەکەی 300 دۆنم زەوییە، بەڵام ڕووبەرەکەی 30 دۆنمە دوای ئەوەی فراوانکردنی حەرەم پەسەند کرا، ڕووبەرێکی زیاتر لەو گوندە بەڕووی ئاوەدانی دەکرێتەوە، تاوەکو ئێستا نزیکەی 100 گوند لەسنووری هەولێر داوای فراوانکردنی ڕووبەریان کردووە.