لە هەفتەیەکدا 141 دۆلار نرخی زێڕ بەرز بووەتەوە

ئاڤا نیوز

نرخی زێڕ لە بازاڕەكانی جیهان لە بەرزبوونەوە بەردەوامە و لە ماوەی هەفتەیەكدا هەر ئۆنسەیەك 141 دۆلار نرخەكەی بەرز بووەتەوە.

وێنە گەورەکە: شەڕی نێوان ڕووسیا و ئۆکراینا، ئەگەری لێدان و هێرشی سەربازی ئەمریکا بۆ سەر فەنزوێلا، هاوکات داواکەی ئیسرائیل بۆ لێدان لە ئێران، هۆکارن بۆ بەرزبوونەوەی نرخی زێڕ لە بازاڕەکانی جیهاندا.

لێدوانی فەرمی: سەفین وەرتی، ئەندامی سەندیکای زێڕنگرانی هەولێر بە ئاڤای وت: لەم هەفتەیەدا هەر ئۆنسەیەک زێڕ 141 دۆلار و مسقاڵێک زێڕ 27 هەزار دینار لە نرخەکەیان بەرزبووەتەوە.

لەلایەکی دیکەوە: د. مستەفا حەسەن، پێشکەشکاری ئابووری ئاڤا هەڵکشانی نرخی زێڕ بۆ هۆکارە ئابووری و جیۆسیاسییەکان دەگەڕێنێتەوە، دەڵێت: ئەمساڵ سێ جار سووی بانکی لە ئەمریکا دابەزیووە کە 75 خاڵی بنەڕەتین، چاوەڕوان دەکرێت بۆ ساڵی 2026 دوو جاری دیکە داببەزێت، هەنگاوەکانی دابەزاندنی سووی بانکی ڕەنگە مانگی سێ دەستپێبکەن.

نرخی زێڕ لە بازاڕەکاندا بەمشێوەیە:-

یەک ئۆنسە زێڕ بە چوار هەراز و 478 دۆلارە

یەک مسقاڵ زێڕی عەیار 24 بە 933 هەزار دینارە

یەک مسقاڵ زێڕی عەیار 21 بە 890 هەزار دینارە

یەک مسقاڵ زێڕی عەیار 18 بە 763 هەزار دینارە