عێراق ڕێکكاری تووند دژی سەرپێچیکاران لە ئاهەنگەکانی سەری ساڵدا دەگرێتەبەر

ئاڤا نیوز

وەزارەتی ناوخۆی عێراق ڕایدەگەیێنێت، پلانی ئەمنیی تایبەت بە ئاهەنگەکانی سەری ساڵ و جەژنی لەدایکبوون گشتاندووە و ڕێکكاری تووند دژی هەر سەرپێچییەک دەگرێتەبەر، جەخت لەوە دەکاتەوە کە هیچ ڕێگایەک داناخرێت.

چیرۆکی سەرەکی: وەزارەتی ناوخۆ بۆ پاراستنی سەلامەتیی ئاهەنگەکانی سەری ساڵ و جەژنی لەدایکبوون، پلانیی ئەمنیی تایبەتی داناوە بۆ دابینکردنی ژینگەیەکی ئارام بۆ هاووڵاتییان.

لێدوانی فەرمی: عەمید میقداد میری، سەرۆکی بەشی پەیوەندی و ڕاگەیاندن لە وەزارەتی ناوخۆ، بە ئاژانسی فەرمی ڕاگەیاند، وەزارەتەکە پلانێکی ئەمنیی گشتگیری بۆ پاراستنی ئاهەنگەکانی سەری ساڵ لە بەغدا و سەرجەم پارێزگاکان داناوە. پلانی ئەمنی گرنگییەکی تایبەت بەو پارێزگایانە دەدات کە ژمارەیەکی زۆری مەسیحییان تێدایە، ئاهەنگەکانیش لە 25ـی ئەم مانگەوە دەست پێ دەکەن.

ئەوەی پێویستە بیزانیت: میری دووپاتی کردەوە بەگوێرەی پلانی ئەمنی هیچ ڕێگایەک داناخرێت تەنیا هێزە ئەمنییەکان بڵاوەیان پێ دەکرێت، هاوکات ئاماژەی بەوەدا هەندێک لەو سەرپێچییانەی کە قەدەغەن، بەڕێوەبەرایەتیی بنبڕکردنی تاوانە ئابوورییەکان ڕاسپێردراون بۆ گرتنەبەری ڕێککاری تووند دژی سەرپێچیکاران.