عەلی ئەلعەللاق: پڕۆژەی (ئی پسوولە) هەنگاوێکی ئەرێنی و شەفافە بۆ پێشخستنی ئابووری

ئاڤا نیوز

بە ئامادەبوونی مەسرور بارزانی، سەرۆکی حکومەتی هەرێمی کوردستان و عەلی ئەلعەللاق، پارێزگاری بانکی ناوەندیی عێراق، پڕۆژەی "ئی پسوولە" (E-Psule) بۆ دیجیتاڵکردنی پارەدانی پسوولەی کارەبا بە فەرمی دەستیپێکرد و پارێزگاری بانکی ناوەندی لەبەرامبەر ئەو هەنگاوەدا سوپاسی سەرۆکوەزیران مەسرور بارزانی دەکات. 

وێنە گەورەکە: ئەم هەنگاوە وەرچەرخانێکی ستراتیژییە لە تێپەڕاندنی سیستەمی پارەدانی نەختینەیی (کاش) بۆ سیستەمی ئەلیکترۆنی. پڕۆژەکە نەک تەنیا ئاسانکاری بۆ هاووڵاتییان دەکات، بەڵکو شەفافیەت لە داهاتەکاندا زامن دەکات و هەماهەنگییەکی بەهێزی نێوان هەولێر و بەغدا لە چاکسازییە داراییەکاندا نیشان دەدات.

لێدوانی فەرمی: عەلی ئەلعەللاق، پارێزگاری بانکی ناوەندیی عێراق ڕایگەیاند: پارەدانی کاش لەگەڵ گەشەپێدان ناگونجێت؛ پڕۆژەی (ئی پسوولە) هەنگاوێکی ئەرێنی و شەفافە بۆ پێشخستنی ئابووری. سوپاسی مەسرور بارزانی دەکەین کە بە شێوەیەکی ڕاستەوخۆ سەرپەرشتی ئەم گۆڕانکارییە دیجیتاڵییە دەکات.

٠ پڕۆژەکە لە ئەنجامی هاوبەشیی نێوان کەرتی گشتی و کەرتی تایبەت دروستبووە. ئامانج لێی خێراکردنی مامەڵەکان و کەمکردنەوەی ڕۆتینە، بە جۆرێک هاووڵاتییان دەتوانن بە شێوەیەکی بەردەوام و لە ڕێگەی ئامرازە دیجیتاڵییەکانەوە تێچووی خزمەتگوزارییەکان بدەن.

نوێ دەکرێتەوە..