میران بەکر: هێزێکی زۆری یەکێتی بەبێ فرمانی دادوەر هاتوونەتە سەر ماڵەکەم

ئاڤا نیوز

میران بەکر، سکرتێری پێشووی ڕۆژنامەوانیی وەزیری پێشمەرگە دەڵێت، ئەمڕۆ هێزێکی زۆری ئینزیباتی عەسکەری سەر بە یەکێتی لە وەزارەتی پێشمەرگه، هاتوونەتە سەر ماڵەکەم و بە  فەرمانی دادوەر دەیانەوێت دەستگیرم بکەن.

وێنە گەورەکە: ئەم هەوڵە بۆ دەستگیرکردنی میران بەکر لە دەرەوەی ڕێکارە یاساییەکان و بەبێ فەرمانی دادوەر، نیشانەی بەردەوامیی فشارە سیاسییەکانە لەسەر ئەو کەسە، چونکە ئەمە دووەمجارە لە ماوەی کەمتر لە سێ مانگدا ناوبراو ڕووبەڕووی هێرش و هەڕەشەی هێزە ئەمنییەکانی یەکێتی دەبێتەوە.

لێدوانی فەرمی: میران بەکر بە ئاڤای ڕاگەیاند: هێزەکە کاتژمێر 10:00ی بەیانیی ئەمڕۆ بەبێ هیچ فەرمانێکی دادوەر ویستیان دەستگیرم بکەن، بەڵام سکوێریتییەکانی یەکەی نیشتەجێبوونەکە ڕایانگرتن. ئێستا ئەمنییەتی خۆم و خێزانەکەم لە مەترسییەکی جددیدایە.

زانیاریی زیاتر: میران بەکر سکرتێری پێشووی ڕۆژنامەوانیی شۆڕش ئیسماعیل، وەزیری پێشمەرگەیە. ناوبراو لە 19ـی کانوونی یەکەمی 2025ـیش لە نزیک بارەگای مەکتەبی سیاسیی یەکێتی لە هەولێر ڕفێندرا و دوای سێ کاتژمێر ئەشکەنجەدان ئازاد کرا.