بەرپرسێکی باڵای داعش لە دیمەشق دەستگیر دەکرێت

ئاڤا نیوز

دەسەڵاتدارانی سووریا ڕایانگەیاند، لە ئۆپەراسیۆنێکی هاوبەشدا لەگەڵ هێزەکانی هاوپەیمانی نێودەوڵەتی بە ڕێبەرایەتی ئەمریکا، بەرپرسێکی باڵای داعشیان لە دیمەشق دەستگیرکردووە.

وێنە گەورەکە: دوای هێرشەکەی 13ـی ئەم مانگەی داعش کە تێیدا دوو سەربازی ئەمریکی و وەرگێڕێک لە تەدموور کوژران. ئۆپەراسیۆنی دەستگیرکردنی سەرکردە و ئەندامانی ئەو ڕێکخراوە دەستی پێ کردووە.

لێدوانی فەرمی:  جەنەڕال ئەحمەد دالاتی، یەكێك لە فەرماندە باڵاكانی سوپای سووریا بە ئاژانسی سانای ڕاگەیاندووە "تەها زوعبی" ناسراو بە "ئەبو عومەر تەبیە" کە سەرکردەیەکی دیاری داعشە لە دیمەشق، لەگەڵ چەند چەکدارێکی دیکەی هاوەڵی دەستگیرکراون.

ئەمەش بزانە:  دەستگیرکردنی ئەم سەرکردەیەی داعش لە کاتێکدایە کە واشنتن و دەسەڵاتی نوێی دیمەشق لە هەماهەنگیدان بۆ ڕێگریکردن لە دووبارە سەرهەڵدانەوەی داعش لە سووریادا.