حکومەتی هەرێمی كوردستان کار بۆ کۆنترۆڵکردنی بازاڕی ئۆنلاین دەکات

ئاڤا نیوز

ئەنجوومەنی وەزیرانی کوردستان لیژنەیەکی باڵا پێکهێنراوە بۆ ئامادەکردنی پەیڕەوێک بۆئەوەی بازاری ئۆنلاین کۆنترۆڵ بکرێت، ئەو کەسەی بازاری ئۆنلاینی هەبێت، دەبێت لە وەزارەتێکی پەیوەندیدار مۆڵەتی فەرمی هەبێت.

وێنە گەورەکە: بەمەبەستی پاراستنی مافی کڕیاران، ئەنجوومەنی وەزیرانی کوردستان لە هەوڵی کۆنترۆڵکردنی بازاڕی ئۆنلاینە، بازرگانان و ئەو کەسانەی ئەم کارە دەکەن دەبێت مۆڵەتی فەرمییان هەبێت.

لێدوانی فەرمی: نەوزاد شێخ کامیل، بەڕێوەبەری گشتیی لە وەزارەتی بازرگانی هەرێمی کوردستان، بە ئاڤای ڕاگەیاند، لەسەر داوای ئەنجوومەنی وەزیرانی هەرێمی كوردستان، لیژنەیەک پێکهاتووە بۆ ئەوەی پەیڕەوێک ئامادە بکرێت، بازاری ئۆنلاین کۆنترۆڵ بکرێت، تاوەکو کڕیار فێڵی لێ نەکرێت و زیانی پێ نەگات، وەزارەتەکانی ناوخۆ، بازرگانی، پلاندان، گواستنەوە و گەیاندن و فەرمانگەی هەماهەنگی بەشدارن، بۆ ئەوەی پەیڕەوێکی تەواو ئامادە بکرێت، دوای ڕەزامەندنی ئەنجوومەنی وەزیران جێبەجێ دەکرێت.

زانیاریی زیاتر: پێشتر ئەم پەیڕەوە لەلایەن وەزارەتی بازرگانی عێراق ڕەوانەی ئەنجوومەنی وەزیرانی عێراق کراوە و پەسند کراوە، ئەو کەسانە پابەند کراون کە کاری ئۆنلاین دەکەن، ئەنجوومەنی وەزیرانی کوردستانیش لیژنەیەکی پێکهێناوە، بڕیارە لە ساڵی نوێ پەیڕەوەکە دەربچێت و جێبەجێ بکرێت.