لە گەرمیان ڕێگەی 20 گوند کە بەهۆی لافاوەوە تێکچووبوون چاک دەکرێنەوە

ئاڤا نیوز

تیمەکانی باری لەناکاو لە ئیدارەی گەرمیان هەڵمەتێکی فراوانیان بۆ چاککردنەوەی ئەو ڕێگایانە دەستپێکردووە کە بەهۆی لافاوەکەی 9ی ئەم مانگەوە زیانیان پێگەیشتبوو.

وێنە گەورەکە: دوای ئەو شەپۆلە بارانبارین و لافاوەی ناوەڕاستی ئەم مانگە سنووری ئیدارەی گەرممانی گرتەوە، ژێرخانی ڕێگاوبانی ژمارەیەک گوند پەکیان کەوت. ئێستا بەڕێوەبەرایەتیی چاککردنەوە و پاراستنی ڕێگاوبانی گەرمیان بە هاوکاری کەرتی تایبەت، سەرقاڵی کردنەوە و نۆژەنکردنەوەی ڕێگەی ئەو گوندانەیە بۆ ئەوەی هاتوچۆی هاونیشتمانیان ئاسایی ببێتەوە.

زانیاریی زیاتر: هەڵمەتەکە گوندەکانی (سەید خەلیل گڵاڵییەکان، سەید خەلیلی دەروێش حوسێن، سەید خەلیلی فەقێ مستەفا و گۆبان) لە سنووری کەلار دەگرێتەوە.

- تاوەکو ئێستا ڕێگەی ٢٠ گوند لە سنووری قەزای کەلار و ناحیەکانی (شێخ تەویل و ئاوەسپی) چاککراونەتەوە.

- پڕۆژەکە بە هەماهەنگی ئیدارەی سەربەخۆی گەرمیان و لە ڕێگەی ئامێرەکانی کۆمپانیای "ئاودێر" جێبەجێ دەکرێت.

ئەوەی پێویستە بیزانیت: لافاوەکەی ڕۆژی 9ی مانگ زیانی زۆری بە ڕێگاوبانە لاوەکییەکان گەیاندبوو، تیمەکانی باری لەناکاو لە هەوڵدان پێش شەپۆلێکی دیکەی بارانبارین، تەواوی ڕێگەی گوندە زیانلێکەوتووەکان نۆژەن بکەنەوە.