چوارشەممەی داهاتوو لە هەرێمی کوردستان پشووی فەرمییە

ئاڤا نیوز

 

بەهۆی سەری ساڵی ئێزدییەکان، ڕۆژی چوارشەممەی داهاتوو لە هەرێمی کوردستان پشووی فەرمییە.

چیرۆکی سەرەکی: ڕۆژی چوارشەممە 17-4-2024، جەژنی چوارشەممەی سوور یاخود سەری ساڵی ئێزدییەکانە و بەو بۆنەیەوە بەپێی ڕۆژژمێری حکومەتی هەرێمی کوردستان ئەو ڕۆژە لە سەرجەم دامودەزگاکانی حکومەتی هەرێمی کوردستان پشووی فەرمییە.

ئەوەی پێویستە بیزانیت: جەژنی سەری ساڵ کە پێشی دەڵێن چوارشەممەی سووری ئێزیدییەكان یەكێكە لە جەژن‌ و بۆنە هەرە كۆنەكانی شوێنكەوتووانی ئاینی ئێزدی، هەموو ساڵێك لە سێیه‌م چوارشەممەی مانگی نیسان یادی دەکەنەوە.

زانیاریی زیاتر: مانگی نیسان بە مانگی ئێزدییەکان دادەنرێت، چونکە بەپێی بیروباوەڕی پەیڕەوانی ئەو ئایینە " مانگی نیسان مانگێكی پیرۆزی بەهارە و بە بووكی ساڵ دادەنرێت. سیمبوڵی ئاوەدانی ‌و نوێبونەوەیە."