لە سلێمانی چوار گۆڕ لە لایەن شارەوانی و ئاسایش و پۆلیسەوە گواسترانەوە

ئاڤا نیوز

تیمە هاوبەشەکانی شارەوانی و دەزگا ئەمنییەکان لە سلێمانی، بەهۆی مەترسیی داڕمانی زەوی، ڕوفاتی چوار گۆڕیان لە گۆڕستانی ئابڵاخ و چوارچرا بۆ شوێنێکی پارێزراو گواستەوە.

چیرۆکی سەرەکی: بەهۆی بارانی بەخوڕ لە ڕۆژانی ڕابردوودا، بەشێکی گۆڕستانی ئابڵاخ و چوارچرا داڕماوە و ئێسک و پروسک لە چوار گۆڕ دەرکەوتوون و دواتر بەهاوبەشی لەگەڵ هێزە ئەمنییەکان و بە ئاگاداری ڕاستەوخۆی کەسوکاریان پرۆسەی گواستنەوە دەستیپێکردووە.

لێدوانی فەرمی: ئەنجوومەن حەسەن، وتەبێژی شارەوانیی سلێمانی ڕایگەیاند: "بەهۆی بارانی بەخوڕەوە بەشێکی گۆڕستانەکە داڕما و ئێسک و پروسک لە چوار گۆڕ دەرکەوتن؛ بۆیە بە هاوبەشی لەگەڵ ئاسایش و پۆلیس و بەپێی ڕێوڕەسمە ئایینییەکان، ڕوفاتەکانمان بۆ شوێنێکی دیکە لە ناو هەمان گۆڕستان گواستەوە. کەسوکاری خاوەن گۆڕەکانیش هەر لە سەرەتاوە ئاگاداری پڕۆسەکە بوون."

ئەنجوومەن دەشڵێ: کەسوکاری خاوەن گۆڕەکانمان ئاگادار کردووەتەوە و هەر لە سەرەتاوە تا کۆتایی ئاگاداری پڕۆسەکە بوون.