کۆنسوڵی گشتیی ڕووسیا: هەرێمی کوردستان لای پووتین گرنگییەکی زۆری هەیە

ئاڤا نیوز

 

کۆنسوڵی گشتیی ڕووسیا لە هەولێر ڕایدەگەیێنێت، هەرێمی کوردستان لای سەرۆککۆمار و سیاسەتی ڕووسیا گرنگییەکی زۆری هەیە.

 

وێنە گەورەکە: ئەمڕۆ چوارشەممە لە هەولێر بە ئامادەبوونی ژمارەیەک کەسایەتیی سیاسی لە ڕێوڕەسمێکدا ڕۆژی نیشتمانیی ڕووسیا بەرز ڕاگیرا، کە لەلایەن کۆنسوڵخانەی گشتیی ڕووسیا ڕێکخرابوو.

 

پەیامی فەرمی: ماکسیم ڕووبین، کۆنسوڵی گشتیی ڕووسیا لە میانی ڕێوڕەسمەکە گوتارێکی پێشکەش کرد و باسی پەیوەندیی هاوبەشی نێوان یەکێتیی سۆڤیەتی پێشوو "ڕووسیای فیدراڵیی ئەمڕۆ" لەگەڵ کورد و هەرێمی کوردستان کرد و ئاماژەی بە گوتەیەکی بارزانیی نەمر کرد کە گوتوویەتی، "دوای کوردستان ڕووسیا وڵاتی دووەمیەتی".

 

زانیاریی زیاتر: ڕووبین ئاماژەی بەوەش کردووە، هەرێمی کوردستان لەلایەن ڤلادیمێر پووتین، سەرۆکی ڕووسیا و سیاسەتی ڕووسیا گرنگییەکی گەورەی هەیە، هەروەها ڕەوتێکی بەردەوام هەیە بۆ پاڵپشتیکردنی ناوچەکە بە هێزە سیاسییە گرنگەکانی و کاری هاوبەشی ئابووری و فراوانکردنی چوارچێوە بازرگانی و کولتوورییەکان.