ئەنجوومەنی وەزاریی ئابوریی عێراق له‌ هه‌رێمی كوردستان كۆده‌بێته‌وه‌

ئاڤا نیوز

 

بەمەبەستی چارەسەرکردنی سه‌رجه‌م کێشە ئابورییە هەڵپەسێردراوەکان لە هەرێمی کوردستان، ئەنجوومەنی وەزاریی ئابوریی عێراق له‌ هه‌رێمی كوردستان كۆده‌بێته‌وه‌.

وێنه‌ گه‌وره‌كه‌: ئەنجومەنی وەزاریی ئابوریی عێراق بڕیاریدا، دانیشتنێکی تایبەتی ئەنجوومەنەکە لە هه‌ولێر ئەنجام بدات.

ئەوەی پێویستە بیزانیت: كۆبوونەوەكە بە بەشداری سەرجەم ده‌زگا ئابوورییەکانی هه‌ردوو حکومەتی فیدراڵ و حکومەتی هەرێمە، ئامانجیش لێی چارەسەرکردنی سه‌رجه‌م کێشە ئابورییە هەڵپەسێردراوەکانە.  

لێدوانی فەرمی : پڕۆفیسۆر گۆڤه‌ند شێروانی،‌ پسپۆری ئابوری به‌ئاڤا نیوزی گوت : ئه‌م دانیشتنه‌ زۆر گرنكه‌ بۆ هه‌ردوولا به‌و هۆیه‌ی ‌ ئێستا پلانی ئابوری جیاواز له‌نێوان هه‌ردوو حكومه‌تی هه‌رێمی كوردستان و عێراق هه‌یه، پێویسته‌ له‌چوارچێوه‌ی به‌رژه‌وه‌ندی گشتیدا رێكبخرێت.

زانیاریی زیاتر: "پێویسته‌ حكومه‌تی هه‌رێمی كوردستان ئه‌ندامی هه‌بێت له‌م ئه‌نجوومه‌نه‌، له‌ئاستی وه‌زیرانی پلاندانان و دارایی و بازرگانی و کشتوکاڵ و پیشەسازی". شیروانی‌ ئه‌مه‌شی گوت.