قایمقامی سلێمانی: ئاگرەكانی ئەم چەند ڕۆژە گومانی لا دروست كردووین

ئاڤا نیوز  

لە ماوەی چەند ڕۆژێكدا پێنج حاڵەتی كەوتنەوەی ئاگر لە سلێمانی هەبووە و قایمقامی سلێمانی دەڵێت "گومانمان لا دروست بووە".

وێنە گەورەكە: بەرەبەیانی ڕۆژی 29-7-2024، ئاگرێكی گەورە لە چیای گۆیژە لە سلێمانی كەوتەوە و دوای چەند كاتژمێرێك كۆنتڕۆڵ كرا، هەمان ڕۆژ ئاگرێكی دیكە لە هەمان چیا كەوتەوە و بەدوای ئەوەشەوە تاوەكو ئێوارەی ئەمڕۆ چەند جارێكی دیكە ئاگر لە چیای گۆیژە كەوتووەتەوە و ڕووبەرێكی فراوان لە پووش و پەڵاش و درەختی خۆڕسك سووتاون.

لێدوانی فەرمی: ئاوات محەممەد، قایمقامی سلێمانی ڕایگەیاند: تاوەكو ئێستا نازانین هۆكاری ئەم ئاگرانە چییە، بەڵام لە ماوەی چەند ڕۆژێكدا چوار تا پێنج ئاگر لە سنوورەكە كەوتوونەتەوە ئەمەش گومانی لای هەموو لایەكمان دروست كردووە، بەڵام تاوەكو ئێستا ناتوانین بڵێین دەستی ئەنقەستە.

زانیاریی زیاتر: لێكۆڵینەوە و بەدواداچوون دەستیپێكردووە، بەئومێدی ئەوەی بگەینە ئەنجامێك. ئاوات محەمەد وادەڵێت.