سەرۆک بارزانی سەردانی نوێنەرایەتیی حكومەت لە ڕۆما دەكات

ئاڤا نیوز

لەمیانەی چالاكییەكانی سەردانەكەی بۆ وڵاتی ئیتاڵیا، سەرۆك بارزانی سەردانی نوێنەرایەتیی حكومەتی هەرێمی كوردستانی كرد لە ئیتاڵیا.

زانیاریی پەیامنێر: كوردستان حەسەن، پەیامنێری دیپلۆماسیی ئاڤا ڕایگەیاند: نیوەڕۆی ئەمڕۆ هەینی، سەرۆك بارزانی سەردانی نوێنەرایەتیی حكومەتی هەرێمی كوردستانی كرد لە ڕۆمای پایتەختی وڵاتی ئیتاڵیا و لەلایەن ڕێزان حەمە ساڵح، نوێنەری حكومەتی هەرێمی كوردستان لە ڕۆما پێشوازیی لێ كرا.

ئەوەی پێویستە بیزانیت: سێ ڕۆژ پێش ئێستا سەرۆك بارزانی، بە سەردانێك گەیشتە ڤاتیكان و لەوێ لەگەڵ پاپا لیۆی چواردەیەم كۆبووەوە و پاشان لە بە جیا لەگەڵ هەریەك لە ئەنتۆنیۆ تایانی جێگری سەرۆک وەزیران و وەزیری دەرەوەی ئیتاڵیا و پیترۆ پارۆلینی سەرۆکوەزیرانی ڤاتیکان کۆبووەوە دوێنێش لە میانەی سەردانەكەی بۆ ئیتاڵیا، سەرۆك بارزانی لەگەڵ گویدۆ كرۆسێتۆ، وەزیری بەرگریی ئیتاڵیا كۆبووەوە و دوای كۆبوونەوەكە سەرۆك بارزانی ڕایگەیاند كە ئیتاڵیا پشتیوانیی خۆی بۆ گەلی كوردستان دووپات كردووەتەوە

باکگراوند: ئەم سەردانەی سەرۆک بارزانی بۆ ئیتاڵیا و کۆبوونەوەی لەگەڵ سەرکردە باڵاکانی ئەو وڵاتە، هاوکاتە لەگەڵ گۆڕانکارییە خێراکانی سووریا و تێکچوونی ڕەوشی ئەمنیی ڕۆژئاوای کوردستان بە هۆی هێرشی سوپای عەرەبی سووریا بۆ سەر ناوچەکانی ژێر دەسەڵاتی سوپای سووریای دیموکرات "هەسەدە"، هاوسەنگیی ئەمنیی لە ناوچە سنوورییەکان، کە ئەمەش  دیپلۆماسییەتی هەرێمی کوردستان لە ئاستی نێودەوڵەتییدا چالاکتر بێت بۆ پاراستنی سەقامگیریی ناوچەکە و پاراستنی سەر و گیانی هاووڵاتییانی کورد.