هەفتەی داهاتوو پارەی مووچەخۆرانی هەرێمی کوردستان دەنێردرێت

ئاڤا نیوز

 

لە عێراق دابەشکردنی مووچەی مانگی ئابی مووچەخۆران دەستپێدەکات و بڕیارە لە نزیکترین کاتدا پارەی مووچەی مانگی حەوتی فەرمانبەران و خانەنشینانی هەرێمی کوردستان خەرج بکرێت. 

 

وێنە گەورەکە: لە عێراق پڕۆسەی دابەشکردنی مووچەی مانگی حەوت تەواو بووە، لەمڕۆوە دەست بە دابەشکردنی مووچەی مانگی هەشت دەکرێت، دەبووایە لە ناوەڕاستی مانگی حەوت پارەی مووچەخۆرانی هەرێمی کوردستان بنێردرێت.

 

لێدوانی فەرمی: د.خەلیل دۆسکی، ئەندامی لیژنەی دارایی لە ئەنجوومەنی نوێنەرانی عێراق بە ئاڤا نیوزی گوت: "لەگەڵ بریکاری وەزیر و بەڕێوەبەری ژمێرکاری وەزارەتی دارایی عێراق کۆبووینەوە و سەرەتای هەفتەی داهاتوو لەگەڵ دەستپێکردنی دەوامی فەرمی دەست بە ناردنی پارەکەی هەرێمی کوردستان دەکرێت".

 
لەلایەکی دیکەوە: فەرمانگەی چاودێریی دارایی عێراق ڕاگەیێنراوێکی لەبارەی مووچەی فەرمانبەرانی هەرێمی كوردستان بڵاوکردەوە و ئاماژە بەوە دەدات، وردبینی داتاكانی مووچەی فەرمانبەرانی هەرێمی كوردستان و ڕاپۆتی وردبینی لەسەر مووچەی فەرمانبەران بەردەوامە.