لە عێراق دەست بەسەر ملیۆنێک حەبی هۆشبەردا دەگیرێت

ئاڤا نیوز

 

لە پارێزگای ئەنبار لە رۆژئاوای عێراق دەست بەسەر ملیۆنێک حەبی کاپتاگۆندا گیرا و دوو بازرگانی ماددەی هۆشبەریش دەستگیرکران.

 

وێنە گەورەکە: بەگوێرەی ئامارەکانی وەزارەتی ناوخۆی عێراق، لە حەوت مانگی یەکەمی ئەمساڵدا دەستبەسەر زیاتر لە دوو تۆن ماددەی هۆشبەردا گیراوە و 8 هەزار کەسیش بە تۆمەتی بازرگانیکردن و مامەڵەکردن بە ماددەی هۆشبەرەوە دەستگیرکراون.

 
ڕاگەیێنراوی فەرمی: بەڕێوەبەرایەتی بەرەنگاربوونەوەی ماددە هۆشبەرەکانی عێراق بڵاویکردەوە، دوای چاودێریکردنیان، لە ئۆپەراسیۆنێکدا دوو بازرگانی ماددەی هۆشبەر لە ئەنبار دەستگیرکراون، هاوکات دەستیش بەسەر ملیۆنێک حەبی کاپتاگۆندا گیراوە.

 

لە لایەکی دیکەوە: لە دووەمین کۆنگرەی نێودەوڵەتی تایبەت بە بەرەنگاربوونەوەی ماددە هۆشبەرەکان کە 22ـی تەمموز لە بەغداد سازکرا، بڕیاردرا ناوەندێکی هەرێمی بۆ ڕووبەڕوبوونەوەی ماددە هۆشبەرەکان بە بەشداری وڵاتانی دراوسێ لە بەغداد بکرێتەوە.