عێراق و یەكێتی ئەوروپا پەرە بە پەیوەندییەكانی نێوانیان دەدەن

ئاڤا نیوز

عێراق و یەكێتی ئەوروپا، پەیوەندییەكانی نێوانیان لە بوارەکانی بەرەنگاربوونەوەی تیرۆر و ماددەی هۆشبەر و ئاڵوگۆڕی زانیاریی پەرەپێدەدەن.

وێنە گەورەكە: لەمیانی سەردانەكەی بۆ بەلجیكا قاسم ئەعرەجی، ڕاوێژكاری ئاسایشی نیشتمانی عێراق،  داوای كرد ژن و منداڵی چەکدارانی داعش لە کەمپی هۆلەوە بۆ وڵاتەکانیان بگەڕێننەوە، مانەوەی کەمپەکەشی بە هەڕەشە لەسەر ناوچەکە و جیهان ناو برد.

ڕاگه‌یێنراوی فه‌رمی: نووسینگەی ڕاگەیاندنی ڕاوێژکاری ئاسایشی نیشتمانی بڵاویكردەوە: قاسم ئەعرەجی  ڕاوێژکاری ئاسایشی نیشتیمانی عێراق لەبەلجیكا لەگەڵ ئینریكی موڕا جێگری سکرتێری گشتیی دەزگای کاری دەرەکی بۆ کاروباری سیاسی یەکێتی ئەوروپا كۆبووەوە، ستایشی رۆڵی عیراقیان كرد لە هەوڵەكانی بۆ سەقامگیری ناوچەكە.

زانیاریی زیاتر: بارودۆخی کەرتی غەززە و هەموو ئەو وێرانکاری و برسێتییەی کە ڕووبەڕووی خەڵكەكەی بووەتەوە ، تەوەرێكی دیكەی كۆبونەوەی نێوان هەردوولا بوو.