ئاڤای خەڵک؛ دانیشتووانی گەڕەکی کانی لە بەحرکە داوای گۆڕینی ستوونی کارەبا دەکەن

ئاڤا نیوز

دانیشتووانی گەڕەکی کانی لە بەحرکە داوای گۆڕینی تۆڕی کارەبای گەڕەکەکە و ستوونەکانی کارەبا دەکەن و دەڵێن: مەترسییان بۆ دروست کردووین.

بەدواداچوونی ئاڤا: خەلیل عومەر دانیشتوویەکی گەڕەکەکەیە دەڵێت: ئەم ستوونانە 55 ساڵ پێش ئێستا دانراون، من تەمەنم 45 ساڵە بەبیرم نایەت گۆڕانکارییەکیان تێداکرابێت، وایەرەکانی خراپ بوون و چەندین جار بەهۆیانەوە ئامێرەکانمان سووتاون، لە هەندێک شوێندا بۆ ئەوەی وایەرەکان نەکەونە خوارە تەختە و دارمان بۆ داناوە.

لێدوانی فەرمی: ساڵح خەمڕەوێن، بەڕێوەبەری کارەبای بەحرکە دەڵێت: با سەردانمان بکەن و بە نووسراو داواکارییەکە بکەن و ئێمەش بەرزی دەکەینەوە بۆ سەرووی خۆمان.