ترەمپ: پووتین ڕازی بووە بۆ ماوەی هەفتەیەک هێرشەکانی سەر کیێڤ ڕابگرێت

ئاڤا نیوز

دۆناڵد ترەمپ، سەرۆکی ئەمریکا، ڕایگەیاند ڤلادیمێر پووتین، سەرۆکی ڕووسیا، بە داواکارییەکی ئەو ڕازی بووە بۆ ڕاگرتنی هێرشە سەربازییەکانی سەر شاری کیێڤ و چەند شارێکی دیکەی ئۆکرانیا بۆ ماوەی یەک هەفتە.

لێدوانی فەرمی: لە میانی کۆبوونەوەیەکدا لەگەڵ ئەندامانی کابینەکەی، ترەمپ ئاماژەی بەوە کرد کە ئەم داواکارییەی دوای ئەوە دێت هێرشەکانی ئەم دواییەی مۆسکۆ بوونە هۆی پچڕانی کارەبا و سیستەمی گەرمکەرەوە لە چەندین ناوچە، ئەوەش لە کاتێکدایە ئۆکرانیا لە ناوەڕاستی شەپۆلێکی سەرما و سۆڵەی بەهێزدایە.

- ترەمپ گوتیشی "ئۆکرانییەکان هەرگیز سەرمای وایان بەخۆیانەوە نەدیوە. من خۆم داوام لە سەرۆک پووتین کرد کە بۆ ماوەی هەفتەیەک هێرش نەکاتە سەر کیێڤ و شارۆچکە جیاوازەکان. ئەویش ڕازی بوو، دەبێت پێتان بڵێم کە ئەمە هەڵوێستێکی زۆر باش بوو."

ئەوەی پێویستە بیزانیت: ئەم لێدوانەی ترەمپ لە کاتێکدایە گوشارە نێودەوڵەتییەکان بۆ کەم کردنەوەی ئازارەکانی خەڵکی سڤیل لە وەرزی زستاندا زیادیان کردووە، بەتایبەت دوای ئەوەی ژێرخانی وزەی ئۆکرانیا بەهۆی بۆردومانەکانەوە زیانی زۆری بەرکەوتووە و ملیۆنان کەس لە پلەی گەرمی ژێر سفردا بێ گەرمکەرەوە ماونەتەوە.