هاکان فیدان: تورکیا دروستکردنی هێزێکی ئەمنیی کوردیی لە سووریا قبووڵ دەکات

ئاڤا نیوز

هاکان فیدان، وەزیری دەرەوەی تورکیا ڕایگەیاند، وڵاتەکەی لاریی نییە لە دروستکردنی پێکهاتەیەکی ئەمنیی بە سەرکردایەتیی کورد بۆ پاراستنی ئاسایشی ناوخۆیی ڕۆژئاوای کوردستان، بەو مەرجەی دیمەشق و هەسەدە لەسەری ڕێکبکەون.

لێدوانی فەرمی: هاکان فیدان، وەزیری دەرەوەی تورکیا ڕایگەیاند: ئەنقەرە لاریی نییە لە دروستکردنی پێکهاتەیەکی ئەمنیی بە سەرکردایەتیی کورد بۆ پاراستنی ئاسایشی ناوخۆ لە ڕۆژئاوا؛ بەڵام دەبێت ئەم جۆرە ڕێککەوتنانە لەنێوان دیمەشق و هەسەدەدا بڕیاری لەسەر بدرێت.

زانیاریی زیاتر: وەزیری دەرەوەی تورکیا جەخت لەوە دەکاتەوە کە هەر جۆرە پێکهاتەیەکی ئەمنیی لە باکووری سووریا دەبێت لە چوارچێوەی دەوڵەتی سووریادا بێت و لەلایەن دیمەشقەوە شەرعییەتی پێ بدرێت.

٠ تورکیا نایەوێت ڕاستەوخۆ مامەڵە لەگەڵ هەسەدە بکات، بەڵکو دەیەوێت لەرێگەی حکومەتی ناوەندییەوە گەرەنتیی ئەوە وەربگرێت کە ئەم هێزە تەنها بۆ کاروباری ئەمنیی ناوخۆیی بەکاردێت و نابێتە هەڕەشە بۆ سەر ئاسایشی نەتەوەیی ئەنقەرە.