ڕووسیا ئامادەکاری دەکات بۆ چۆڵکردنی وێستگەی ئەتۆمی بوشەهر لە ئێران

ئاڤا نیوز

ڕووسیا ئامادەیە لە کاتی پێویستدا کارمەندەکانی لە وێستگەی ئەتۆمیی بوشەهر لە ئێران بکشێنێتەوە. 

وێنە گەورەکە: ئەم هەڵوێستەی ڕووسیا دوای ئەوە دێت کە دۆناڵد ترەمپ، سەرۆکی ئەمریکا، داوای لە ئێران کردووە بێتە سەر مێزی گفتوگۆ و دەستبەرداری چەکی ئەتۆمی بێت، ئەگەرنا هێرشی داهاتووی ئەمریکا "زۆر خراپتر" دەبێت.

لێدوانی فەرمی: ئەلێکسی لیخاچێڤ، سەرۆکی کۆمپانیای وزەی ئەتۆمیی دەوڵەتی ڕووسیا (ڕۆسئەتۆم)، ڕایگەیاند لەگەڵ وەزارەتەکانی دەرەوە و بەرگریی ڕووسیا لە هەماهەنگیدان بۆ جێبەجێکردنی پلانی چۆڵکردن ئەگەر بارودۆخەکە مەترسیدار بێت.

- سەرۆکی ڕۆسئەتۆم هۆشداریی دا، هەر هێرشێک بۆ سەر وێستگەی بوشەهر دەبێتە هۆی کارەساتێکی ژینگەیی و مرۆیی هاوشێوەی تەقینەوەکەی "چێرنۆبڵ" لە ساڵی 1986.

ئەوەی پێویستە بیزانیت: ساڵی ڕابردوو کە هێرشی ئەمریکا بۆ سەر دامەزراوە ئەتۆمییەکانی ئێران ئەنجامدرا، بەڵام وێستگەی بوشەهری نەکردە ئامانج. ئێستا سەدان پسپۆڕی ڕووسی لەم وێستگەیەدا کار دەکەن کە تاکە وێستگەی کارای ئەتۆمیی ئێرانە و لەلایەن مۆسکۆوە دروستکراوە.