پارێزگای ورمێ ساڵانە ملیۆنێک و 500 هەزار تۆن سێوی هەیە

ئاڤا نیوز

وەرزی ڕنینی سێوە لە ڕۆژهەڵاتی کوردستان و جووتیارانی ورمێش نیگەرانن لەوە دەوڵەت بەنیوەی نرخی بازاڕ بەرهەمەکانیان لێ دەکرێتەوە. 

چیرۆکی سەرەکی: لە ڕۆژهەڵاتی كوردستان و ساڵانە بە سەدان تەن سێو لە باخەسێوەكانی پیران و ئیندرقاشی شاروێران و  قەڵاتەڕەشی پیرانشار و قەرسەقەل و شایین ئابادی شنۆ و گوندی خنخنەی نەغەدە و دەیان گوندی دیكە دەڕنرێت و بە سەدان كرێكاری ژن و پیاو و شۆفێر، بژێوی ژیانیان لەسەر ئەو باخە سێوانەیە.

زانیاریی زیاتر: سێوی ڕۆژهەڵات بەتایبەت سێو زەرد و سوور و لاسوورەكانی مەهاباد و شنۆ و ورمێ و پیرانشار و نەغەدە زۆر بەنێوبانگن، تەنها لە پارێزگای ورمێ ملیۆنێك و 220 هەزار دۆنم زەویی باخات هەیە كە نیوەی زیاتری کراوە بە سێوە کە ساڵانە نزیكەی ملیۆنێك و 500 هەزار تۆن سێو لە باخە سێوەكانی بەرهەم دێت.

ئەوەی پێویستە بیزانیت: 750 هەزار تۆن سێو دەنێردرێت بۆ هەرێمی كوردستان و عێراق و هیندستان و پاكستان و ڕووسیا و ئەفغانستان، هەروەها ئەویتریشی لە كۆگا و ساردخانەكان هەڵدەگیردرێت بۆ ئەوەی لە وەرزی زستان بفرۆشرێت یا بدرێتە دەوڵەت بۆ كارگەكان.

لەلایەکی دیکەوە: هەرچەندە هەموو ساڵێک باخدارانی ورمێ ڕووبەڕووی كێشە دەبنەوە لەگەڵ دەوڵەت، چونكە سێوەكانیان بە كەمتر لە نرخی بازاڕ لێ دەكڕدرێتەوە.