ئاڤای خەڵک؛ دانیشتووانی گەڕەکێکی بنەسڵاوە داوای خزمەتگوزاريی دەکەن

ئاڤا نیوز

دانیشتووانی یەکێک لە گەڕەکانی بنەسڵاو بەدەست نەبوونی خزمەتگوزارییەوە بێزاربوون و هانایان بۆ ئاڤا هێناوە داوا دەکەن دەنگیان بگەیەنێت بە لایەنی پەیوەندیدار. 

چیرۆکی سەرەکی: ژمارەیەک لە دانیشتووانی گەڕەکێکی بنەسڵاوە داوای خزمەتگوزاری دەکەن و دەڵێن، تەپ و تۆز و قوڕ و لیتە و جرج و مشک هەراسانی کردین، هاونیشتمانیانی گەڕەکەکە گرتە ڤیدیۆییان بۆ ئاڤا ناردووە و دەڵێن: ڕێگایەکی خۆڵەمان هەیە، بە هاوین تەپوتۆز و بە زستان قوڕ و لیتە، لە نزیک ماڵەکانیش ئاوەڕیەک هەیە کە درێژییەکەی 70 مەترە و سەری نەگیراوە، هەم بۆن هەراسانی کردووین هەم جرج و مشکی ناو ئاوەڕۆکە دێنە ماڵەکانمان.

لێدوانی فەرمی: زریان سەباح، سەرۆکی شارەوانی بنەسڵاوە دەڵێت، "خزمەتگوزارییەکانی ئەو گەڕەکە بووە بە تەندەر و لەسەر بودجەی وەزارەتی شارەوانی جێبەجێ دەکرێت، لە پرۆژە گرنگەکانمان داناوە و هەموو ڕێکارەکان تەواوکراون، تەنیا ئەوە ماوە بودجەکە بگاتە وەزارەت و دەست بکەین بە جێبەجێکردن".