هەنگەوانانی شنۆ ساڵانە 1200 تۆن هەنگوین بەرهەم دەهێنن

ئاڤا نیوز

بەرهەمی هەنگوینی ڕۆژهەڵاتی کوردستان و بە تایبەت شاری شنۆ ناوبانگی سنوورەکانی تێپەڕاندووە و ساڵانە 1200 تۆن هەنگوین ڕەوانەی بازاڕەکان دەکرێت و خواستێکی زۆری لەسەرە. 

چیرۆکی سەرەکی: لە شنۆی ڕۆژهەڵاتی کوردستان نزیکەی 400 هەنگەوان سەرقاڵی بەخێوکردنی هەنگن کە بە نزیکەی 1000 مێش هەنگیان هەیە و بەرهەمی ساڵانەی دەگاتە 1200 تۆن، تەنها لەو شارە 20 لە بەرهەمەکەی ساغ دەکرێتەوە و ئەوەی دەمێنێتەوە هەناردەی هەرێمی کوردستان و ناوچەکانی دیکە دەکرێت. 

زانیاریی زیاتر: بەشێک لە بازرگانانی هەرێمی کوردستان هەنگوینی شنۆ هاوردە دەکەن و دواتر ڕەوانەی بازاڕەکانی ئیمارات و وڵاتانی دیکەی عەرەبی دەکەن، بەهۆی ئەوەی خواستێکی زۆری لەسەرە و کوالێتی تام و بۆنەکەی تەواو جیاوازە.