ئاڤای خەڵک؛ زەوییەکانی گەڕەکی پەنجا عەلی دەبنە کێشە لە کەرکووک

ئاڤا نیوز

ژمارەیەک لە دانیشتووانی گەڕەکی پەنجا عەلی لە کەرکووک لەسەر زەوییەکانیان لەگەڵ کۆمپانیای نەوتی باکوور تووشی کێشە بوون.

بەدواداچوونی ئاڤا: ئەو هاووڵاتییانە دەڵێن 15 ساڵە ئەو زەوییانەمان کڕیوە، پێشتریش چەندین جار مامەڵە بەو زەوییانەوە کراوەو چەندین دەستی کردووە، نرخی زەوییەکان لە چوار ملیۆن تاوەکو 32 ملیۆن بووە و هەریەکە و بە نرخێک کڕیومانە و ئەوکات کەس خاوەنی نەبوو بەڵام ئێستا کۆمپانیای نەوتی باکوور هاتووە دەڵێت: ئەوانە زەوی ئێمەیە و ڕێگە نادەن خانووی لەسەر دروست بکەین.

لێدوانی فەرمی:  کۆمپانیای نەوتی باکووری لەوبارەیەوە ڕایگەیاند: ئەو زەوییانە موڵکی ئێمەیە و زێدەڕۆیی کراوەتە سەری بۆیە ڕێگە نادەین خانووی لەسەر دروست بکرێت.