نێچیرڤان بارزانی بەشداریی کۆنفرانسی ئاسایشی میونشن دەکات

ئاڤا نیوز

سبەی کۆنفرانسی ئاسایشی میونشن دەستپێدەکات و نێچیرڤان بارزانی، سەرۆکی هەرێمی کوردستان بەشدار دەبێت.

بابەتی سەرەکی: لە رۆژی 16ی شوبات کۆنفرانسی ساڵانەی ئاسایشی میونشن دەستپێدەکات و سێ ڕۆژ دەخایێنێت، کە کۆنفرانسەکە تایبەتە بە گفتوگۆ لەبارەی ئاڵنگارییە ئەمنییەکان.

زانیاریی تایبەت: بەپێی ئەو زانیارییانەی دەست ئاڤا نیوز کەوتووە، لە هەرێمی کوردستان نێچیرڤان بارزانی، سەرۆکی هەرێمی کوردستان بەشدار دەبێت.

بۆچی گرنگە: کۆنفرانسی ئاسایشی میونشن سەکۆیەکە بۆ گفتوگۆکردن لەسەر سیاسەتی ئاسایشی نێودەوڵەتی، بۆ ڕووبەڕووبوونەوەی مەترسیدارترین هەڕەشە ئەمنییەکان لە جیهاندا. هەرێمی کوردستان لە ساڵانی ڕابردوودا لە شەڕی ڕووبەڕووبوونەوەی تیرۆر و داعشدا زۆرترین پشتیوانیی ئەو کۆنفرانسەی بەدەستهێنا.

ئامانجەکان: ئامانجی کۆنفرانسەکە بەرەوپێشبردنی متمانە و چارەسەرکردنی ئاشتیانەی ململانێکانە لە رێگەی ئاسانکاریکردنی گفتوگۆی بەردەوام و کۆکراوە.