بارانبارین ڕێگای ژمارەیەک گوندی سنووری بەردەڕەش دادەخات

ئاڤا نیوز

 

بارانبارین جگە لە داخستنی ڕێگای سێ گوندی سنووری قەزای بەردەڕەش، زیانی بە زەوییە کشتوکاڵییەکانیش گەیاندووە.

 

لێدوانی فەرمی: موحسین میرانی، بەڕێوەبەری ڕێگاوبانی ئاکرێ و بەردەڕەش بە ئاڤا نیوزی ڕاگەیاند: "بەهۆی بارانبارین و بەرزبوونەوەی ئاستی ئاو، ڕێگای سەرەکی هەر یەک لە گوندەکانی دولێجانا مەزن، دولێجانا بچیک و گرێکا بە تەواوی داخراون".

 

زانیاریی زیاتر: هاتووچۆ لە ڕێگای ئەو سێ گوندە وەستاوە و تاوەکو ئاستی ئاو دانەبەزێت، تیمەکانی بەڕێوەبەرایەتیی ڕێگاوبانی قەزاکە ناتوانن ڕێگاکان بکەنەوە. 

 

باکگراوند: لە دوو ڕۆژ ڕابردوو بارانبارین و هەورەبرووسکەیەکی بەهێز هەرێمی کوردستانی گرتەوە و لە چەند شوێنێکیش لافاو دروستبوو.