یەکەمین قائیمقامی قەزای خەلیفان دەستبەکار دەبێت

ئاڤا نیوز

 

لەبەردەم وەزیری ناوخۆی حکومەتی هەرێمی کوردستان و بە ئامادەبوونی سەرپەرشتیاری ئیدارەی سەربەخۆی سۆران، قائیمقامی قەزای خەلیفان و بەڕێوەبەری ناحییەکانی سرێشمە و بێستانە سوێندی یاساییان خوارد.

 

وێنە گەورەکە: دوای ئەوەی فەرمانی بە قەزاکردنی خەلیفان چووە بواری جێبەجێکردووە، ئەمڕۆ پێنجشەممە ڕێکەوتی12-9-2024 ڕێورەسمی دەستبەکاربوون و خوێندنی سوێندی یاسایی، مەغدید عەریف ئەحمەد، قائیمقامی قەزای خەلیفان، بەرێوەچوو، دواتر جێگر حسێن کریم، بەڕێوەبەری ناحیەی سرێشمە لە ئیدارەی سەربەخۆی سۆران و دێدەوان خەلیل خاڵانی محەممەد، بەڕێوەبەری ناحیەی بێستانە لە پارێزگای هەولێر سوێندی یاساییان خوارد.

 

ڕاگەێنراو فەرمی: وەزارەتی ناوخۆی هەرێمی کوردستان ڕایگەیاند: دوای خوێندنی سوێندی یاسایی قائیمقامی خالیفان، بەرێوەبەرانی ناحیەی سرێشمە و ناحیەی بێستانە دەبێت خزمەتکاری خەڵک بن و بە بێلایەنی و دەستپاکی و پیشەیی بەرنامەکانی حکومەتی هەرێمی کوردستان بۆ خزمەتکردنی خەڵک و کوردستان جێبەجێ بکەن.

 

ئەوەی پێویستە بیزانیت: بەرزکردنەوەی ئاستی ئیداریی خەلیفان لە ناحیەوە بۆ قائیمقامیەت و کردنی  سرێشمە بە ناحیە لە ئیدارەی سەربەخۆی سۆران و کردنی بێستانە بە ناحیە لە پارێزگای هەولێر لە بڕیارە نوێیەکانی حکومەتی هەرێمی کوردستانن بە مەبەستی گەیاندنی خزمەتگوزاریی زیاتر بۆ هاووڵاتیانی ئەو سنوورانە و جێبەجێکردنی بەرنامەکانی کابینەی نۆی حکومەتی هەرێمی کوردستان.