بولگاریا لێکۆڵینەوە لە ناردنی پەیجەرەکان بۆ حیزبوڵڵا دەکات

ئاڤا نیوز

 

دەزگا ئەمنییەکانی بولگاریا لێکۆڵینەوە لە ڕۆڵی کۆمپانیاکانی وڵاتەکەیان لە ناردنی 'پەیجەر' ئامێرە بێتەلەکان بۆ حیزبوڵڵای لوبنان دەکەن. 

 

ڕاگەیێندراوی فەرمی: ئاژانسی ئاسایشی بولگاریا لە بەیاننامەیەكدا ڕایگەیاند، لەگەڵ وەزارەتی ناوخۆ كاردەكات بۆ لێكۆڵینەوە لە ڕۆڵی كۆمپانیایەكی وڵاتەکەیان دەکەن کە تۆمەتبار دەکرێت بە ناردنی ئامێری پەیجەر بۆ چەکدارانی حیزبوڵڵا، ئەمە لەکاتێکدا کۆمپانیایەکە بە فەرمی تۆمار کراوە، هاوت بەبێ ئەوەی ناو کۆمپانیاکە بهێنێت.

 

زانیاریی زیاتر: ڕاپۆرتە رۆژنامەوانییەكان لە بولگاریاوە ئاماژە بەوە دەکەن كۆمپانیای (نۆرتا گڵۆباڵ) كە بارەگاكەی لە شاری سۆفیایە، ئاسانكاری كردووە لە پڕۆسەی فرۆشتنی ئامێرەكانی 'پەیجەر'، بە حیزبوڵڵای لوبنان.

 

لەلایەکی دیکەوە: ئاژانسی ئاسایشی بولگاریا ڕەتیدەکاتەوە هیچ بارێكی ئامێری "پەیجەر" لەسەر خاكی بولگاریا بینرابێت. 

 

ئەمەش بزانە: پێشتر كۆمپانیایەكی تایوانی بەناوی (گۆڵد ئەپۆڵۆ) تۆمەتبار كرا بە فرۆشتنی ئەو ئامێرانە بە حیزبوڵڵا، بەڵام كۆمپانیا تایوانییەكە بەخێرایی وەڵامی سەرجەم تۆمەتەکانی دایەوە.

 

باکگراوند: لە ماوەی دوو ڕۆژدا بەهۆی تەقینەوەی ئامێری پەیجەرەکانی کارمەند و چەکدارانی حیزبوڵڵا لە لوبنان، 37 كەس گیانیان لەدەستدا و زیاتر لە سێ هەزار كەسیش برینداربوون.