نەتەوە یەکگرتووەکان پێشوازی لە گفتوگۆکانی ئەمریکا و ئێران دەکات

ئاڤا نیوز

ڕێکخراوی نەتەوە یەکگرتووەکان، بە فەرمی هەڵوێستی خۆی لەبارەی دەستپێکردنەوەی دانوسانەکانی نێوان واشنتن و تاران دەربڕی و دەڵێت "خۆشحاڵین"، ئومێدەوارین ئەو هەنگاوە ببێتە هۆی کەمکردنەوەی گرژییەکان و ڕێگری لە دروستبوونی قەیرانێکی گەورەتر لە ناوچەکەدا.

چیرۆکی سەرەکی: ئەمڕۆ هەینی، شاندی هەردوو وڵاتی ئەمریکا و ئێران لە مەسقەتی پایتەختی عومان لەبارەی بەرنامە ئەتۆمییەکەی تاران کۆبوونەوە، بەڵام نەگەیشتنە هیچ ڕێککەوتنێکی کۆتایی و بڕیاریاندا کۆبوونەوەکان درێژەی هەبێت.

لێدوانی فەرمی: ستیفان دوژاریک، وتەبێژی ئەنتۆنیۆ گۆتێرێش، ڕایگەیاند: سکرتێری گشتی هەمیشە داوای هێورکردنەوەی دۆخەکەی کردووە و سوپاسی وڵاتی عومانیش دەکات بۆ میوانداریکردنی ئەم گفتوگۆیانە.

لەلایەکی دیکەوە: عەباس عێراقچی، وەزیری دەرەوەی ئێران، کوبوونەوەکانی بە دەسپێکێکی باش ناوبرد و ئاماژەی بەوەدا، ئەگەر کەشی بێ متمانەیی بڕەوێتەوە، گفتوگۆکان بەردەوام دەبن، بەڵام تاوەکو ئێستا لایەنی ئەمریکی بە فەرمی هیچ کاردانەوەیەکی بەرامبەر ئەنجامی کوبوونەوەکانی ئەمڕۆ نیشان نەداوە.