لە ئەنبار دوای گەمارۆدانیان سێ چەکداری داعش خۆیان تەقاندەوە

ئاڤا نیوز

دەزگای ئاسایشی نیشتمانی عێراق ڕایگەیاند، هێزەکانیان توانیویانە حەشارگەیەکی چەکدارانی داعش لە ئەنبار گەمارۆ بدەن و لە کاتی ڕووبەڕووبونەوە "سێ تیرۆرست کوژران".

ڕاگەیێنراوی فەرمی: ئەرشەد حەکیم، وتەبێژی دەزگای ئاسایشی نیشتمانی عێراق لە ڕاگەیێنراوێکدا ڕایگەیاند، "دوای کۆکردنەوەی زانیاری وردی هەواڵگری، توانیمان حەشارگەیەکی تیرۆرستانی داعش گەمارۆ بدەین، لە ئەنجامدا، (بەرپرسی ئەمنی ئەنبار)ـی داعش و دوو چەکداری دیکە خۆیان تەقاندەوە".

زانیاریی زیاتر: بەگوێرەی بەدواداچوونەکان لەماوەی 10 ڕۆژی ڕابردوودا ئەمە دووەم کردەی خۆکوژی چەکدارانی داعشە. دوای ئاڵۆزییەکانی سووریا، جموجۆڵەکانی چەکدارانی داعش دەستیپێکردووە و لە چەند ناوچەیەک بینراون و هێرشیان کراوەتەسەر.