ڕۆژنامەیەکی ئەمریکی: ئێران داواکارییەکەی ئەمریکای بۆ ڕاگرتنی پیتاندنی یۆرانیۆم ڕەت کردەوە

ئاڤا نیوز

بەپێی هەواڵی ڕۆژنامەیەلی ئەمریکی، لەو دانوستانە ناڕاستەوخۆیانەی کە لە وڵاتی عومان بەڕێوەچوون، ئێران بە تووندی داواکارییەکانی ئەمریکای ڕەت کردووەتەوە بۆ ڕاگرتنی پیتاندنی یۆرانیۆم یان ناردنە دەرەوەی بۆ وڵاتێکی تر.

چیرۆکی سەرەکی: ئەمڕۆ هەینی، دوای هەشت مانگ لە ناکۆکی و هەڕەشەکردن لە یەکتر، هەردوو شاندی ئەمریکا و ئێران لەبارەی بەرنامە ئەتۆمییەکەی تاران لە مەسقەتی پایتەختی عومان کۆبوونەوە.

زانیاریی بەدەستهاتوو: ڕۆژنامەی وۆڵ ستریت جۆرنالی ئەمریکی ڕایگەیاندووە، سەرەڕای فشاری ئەمریکییەکان، لایەنی ئێرانی ئامادە نەبووە دەستبەرداری پڕۆسەی پیتاندن بێت، کە ئەمەش خاڵی سەرەکی ناکۆکییەکانی نێوانیانە.

٠ وڵاتی عومان وەک نێوەندگیر ڕۆڵی بینیوە بۆ گواستنەوەی پەیامەکان، بەڵام گفتوگۆکان هیچ پێشکەوتنێکی گەورەیان بەخۆوە نەبینیوە لەسەر کێشە بنەڕەتییەکان.

٠ تەنها خاڵێک کە هەردوو لا لەسەری ڕێککەوتوون، ئەوەیە کە بەردەوام بن لە دانوستان بۆ ئەوەی ڕێگری بکەن لە تەقینەوەی بارودۆخەکە و زیاتر تێکچوونی پەیوەندییەکان.