کەتیبەکانی سەید ئەلشوهەدا بۆ ئاڤا: بەرامبەر کوژرانی نەسروڵڵا وەڵاممان دەبێت

ئاڤا نیوز

گوتەبێژی کەتیبەکانی سەید ئەلشوهەدای عێراق بۆ ئاڤا دانی پێدا دەنێت کە کوشتنی حەسەن نەسروڵڵا گورزێکی قورس بوو بۆ بەرەی مقاوەمە، بەڵام دووپاتی دەکاتەوە کە ئەوە "سوورتر و ئیرادەیان بەهێزتر دەکات".

وێنە گەورەکە: ئێوارەی ڕۆژی هەینی 27-9- 2024 سوپای ئیسرائیل لە هێرشێکدا  حەسەن نەسروڵڵا، ئەمینداری گشتیی حیزبوڵڵای لوبنان و چەند سەرکردەیەکی دیکەی باڵای بزووتنەوەکەی کوشت، هێرشەکەش لەسەر ئاستی جیهان کاردانەوەی فراوانی لێکەوتەوە.

 

لێدوانی فەرمی: کازم فەرتووسی، گوتەبێژی کەتیبەکانی سەید ئەلشوهەدا کە بەشێکە لە گرووپی مقاوەمە لە عێراق، بە ئاڤا نیوزی ڕاگەیاند: وەڵاممان لە هەموو بەرەکان دەبێت هەر لە فەڵەستین و لوبنان ویەمەن تاوەکو عێراق، ئێمە وەک کەتیبەکانی سەید ئەلشوهەدا و بەرەی مقاوەمە لە شەڕداین، بۆیە پێشبینیکراوە هەر کاتێک هێرش بکەین".

ئەوەی پێویستە بیزانیت: بەهۆی کوژرانی حەسەن نەسڕوڵڵا، ئەمینداری گشتی حیزبوڵڵا و هاوەڵەکانی، حکومەتی عێراق بۆ ماوەی سێ ڕۆژ لە سەرتاسەری عێراق ماتەمینی ڕاگەیاند.