قۆناغی دووەمی پڕۆژەی گەشانەوە ڕادەگەیێنرێت

ئاڤا نیوز

بە ئامادەبوونی سەرۆکوەزیران مەسرور بارزانی، ڕێوڕەسمی ڕاگەیاندنی پڕۆژەی گەشانەوە بەڕێوەدەچێت. پڕۆژەکە دەستپێشخەری دابینکردنی پاڵپشتی داراییە لەلایەن حکومەتی ھەرێمی کوردستانەوە بۆ بزنسە بچووک و مامناوەندەکان.

وێنە گەورەکە: ساڵێک پێش ئێستا قۆناغی یەکەمی پڕۆژەی گەشانەوە وەک بەشێک لە کارنامەی کابینەی نۆیەمی حکومەت بۆ پاڵپشتی  کەرتی تایبەت ڕاگەیێنرا. پرۆژەکە قەرزی بچووک بە قەبارەی 50 بۆ 150 ملیۆن دینار بە خاوەن بزنسەکان دەدات.

ئەوەی ئێستا ڕوودەدات: بە ئامادەبوونی سەرۆکوەزیران مەسرور بارزانی، ژمارەیەک لە وەزیرانی حکومەت، سەرۆکی دەستەی وەبەرهێنان و ژمارەیەک وەبەرهێنەری هەرێمی کوردستان، قۆناغی دووەمی پڕۆژەکە ڕادەگەیێنرێت.

لێدوانی فەرمی: کوێستان محەممەد، وەزیری کار و کاروباری کۆمەڵایەتی بە ئاڤا نیوزی گوت، "تاوەکو ئێستا  25 کەس سوودمەند بوون لە وەرگرتنی قەرزی بچووک، بەگوێرەی قەبارەی بزنسەکەیان 50 ملیۆن دینار بۆ 150 ملیۆن دیناریان وەرگرتووە."

زانیاریی زیاتر: لە قۆناغی یەکەمی پڕۆژەکە 2.5 ملیۆن دۆلار بۆ پرۆژەی گەشانەوە تەرخان کرا، وەک هاندانێک بۆ خاوەن بزنسە بچووک و مامناوەندەکان.

 

ڕاستەوخۆ مەراسیمەکە ببینە