سوودانی و ماکرۆن جەخت لە ڕاگرتنی جەنگ و گرژییەکانی ناوچەکە دەکەنەوە

ئاڤا نیوز

 

سەرۆکوەزیرانی عێراق و سەرۆککۆماری فەڕەنسا پەیوەندییەکی تەلەفۆنییان ئەنجامدا و پرسی هەوڵەکانی ڕاگرتنی جەنگیان لە فەلەستین و لوبنان و یارمەتییە مرۆییەکان بۆ هاووڵاتییانی ئەو دوو وڵاتە تاوتوێ کرد.

 

وێنە گەورەکە: بەهۆی بەردەوامیی جەنگی ئیسرائیل لەگەڵ حەماس و حیزبوڵڵای لوبنان، محەممەد شیاع سوودانی، سەرۆکوەزیرانی عێراق و ئیمانوێل ماکرۆن، سەرۆککۆماری فەرەنسا جەختیان لەبارەی بەرفراوانکردنی داواکەی ماکرۆن کردەوە سەبارەت بە ڕاگرتنی چەک بۆ ئیسرائیل، هاوکات هەردوولا هاوڕابوون لەسەر ڕاگرتنی جەنگ و گرژییەکانی ناوچەکە.

 

ڕاگەیێنراوی فەرمی: نووسینگەی میدیایی سەرۆکوەزیرانی عێراق ڕایگەیاند: سوودانی ئامادەیی عێراقی دووپاتکردەوە لە بەشداریکردن لەو کۆنگرەیەی کە ماکرۆن لە داهاتوودا بانگەشەی بۆ دەکات لە پاریس، هاوکات سوودانی هەنگاوی عێراقیشی بۆ بەستنی کۆنفرانسێکی هاوشێوە لە بەغدای پایتەخت پشتڕاستکردەوە.

 

زانیاریی زیاتر: لە پەیوەندییە تەلەفۆنییەکەدا تاوتوێی پەیوەندییە دوو قۆڵییەکانی نێوان هەردوو وڵات کران، بەتایبەتی لە بواری ئابووری و بەهێزکردنی بوونی کۆمپانیاکانی فەرەنسا بۆ کارکردن لە عێراق

 

هاوکات باسیان لە کۆتاییهاتنی ئەرکەکەکانی هێزەکانی هاوپەیمانانیش کرد  لە عێراق، سەرۆکی فەرەنسا پابەندبوونی وڵاتەکەی بە وادەی دیاریکراو و گواستنەوەی هێزەکانی وڵاتەکەی بۆ فەرەنسا دووپاتکردەوە.