عەلی حەمەساڵح بۆ ئاڤا: فشارێکی زۆرمان لەسەرە

ئاڤا نیوز

 

سەرۆكی لیستی هەڵوێست ڕایدەگەیێنێت، فشارێکی زۆریان لەسەرە و بە هێزە ئەمنییەکان وتراوە "وێنەی دەنگەکانتان نەگرن فەسڵ دەكرێن".

 

وێنە گەورەكە: پڕۆسەی دەنگدانی تایبەت لە سەرجەم بازنەكانی هەرێمی كوردستان بەردەوامە، بەشێك لە لایەنەكان گلەی دەكەن و دەڵێن، زانیارییان هەیە لەلایەن چەند لایەنێكەوە فشار لە هێزە ئەمنییەکان دەكرێت تاوەکو وێنەی دەنگەكانیان بگرن و مۆبایل و كامێرەش دەبرێتە ژوورەوە.

 

لێدوانی فەرمی: عەلی حەمەساڵح، سەرۆكی لیستی هەڵوێستی نیشتیمانیی لە بازنەی سلێمانی بە ئاڤا نیوزی ڕاگەیاند:” فشارێکی زۆرمان لەسەرە، بە هێزە ئەمنییەكانیشان وتووە، ئەگەر ڕەسمی دەنگەكەت نەگریت كە هاتیتە دەرەوە فەسڵ كراویت و ناگەڕێیتەوە سەر كارەكەت”.

 

زانیاریی زیاتر: عەلی حەمەساڵح لەبارەی ڕفاندنی کاندیدێکیان بەناوی عەزیز بلکیانی، لە بازنەی سلێمانی گوتی :” كاندیدێكمان لە پێنجوێن ڕفێنراوە و لە هەوڵداین بۆ چارەسەركردنی كێشەكە و هیواخوازن دۆخەكە باشتر بێت".

 

ئەمەش بزانە: بەگوێرەی ئاماری کۆمیسیۆن ڕێژەی گشتیی بەشداریکردن لە سەرجەم پارێزگاکاندا کە 11 پارێزگا لە سەرتاسەری عێراق لەخۆدەگرێت، لە پارێزگای دهۆک بەڕێژەی 77% زۆرترین و پارێزگای واست 3% کەمترینە.