هادی عامری سوپاسی سەرۆک بارزانی دەکات

ئاڤا نیوز

 

هادی عامری، سەرۆکی هاوپەیمانیی فەتح ستایشی ڕۆڵی سەرۆک بارزانی دەکات لە هەڵبژاردنی سەرۆکی پەرلەمانی عێراق و سەرکەوتووبوونی پرۆسەکە.

وێنە گەورەکە:  دوای نزیکەی ساڵێک لە دوورخستنەوەی محەممەد حەلبووسی و کێشمەکێشی زۆری نێوان لایەنە سوننەکان، ئەمشەو مەحموود مەشهەدانی بە سەرۆکی پەرلەمانی عێراق هەڵبژێردرا.

 لێدوانی فەرمی: هادی عامری لە کۆنگرەیەکی ڕۆژنامەوانیدا گوتی: "مەشهەدانی بە پاڵپشتی ئێمە و هەریەک لە پارتی دیموکراتی کوردستان، نووری مالیکی و قەیس خەزعەلی بە سەرۆکی پەرلەمانی عێراق هەڵبژێردرا".

 

ئاماژەی بەوەش کرد، مەشهەدانی کەسایەتیەکی باوەڕ پێکراوه لەلایەن زۆرینەی ڕەهای لایەنە سوننەکان، ئەو پۆستەش مافێکی دەستووریی پێکهاتەی سوننەیە. خۆشحاڵی خۆیشی دەربڕی کەجارێکی دیکە ئەو پۆستەی بەدەستهێنایەوە.

 

لەلایەکی دیکەوە: عامری جەختی لەوە کردەوە، چوار یاسای گرنگ لە بەردەم پەرلەمانی عێراقدایە و پێویستی بە پەسەند کردن هەیە، ئەوانیش بریتین لە یاسای باری کەسیی و یاسای لێبوردنی گشتی و یاسای گەڕاندنەوەی خاوەندارێتی موڵک و ماڵی داگیرکراو و یاسای خانەنشینی حەشدی شەعبی.