موقتەدا سەدر: ئەوەی ڕوویدا پەیامێکی ئیلاهی بوو بۆ ئەوانەی گەندەڵ و ستەمکارن

ئاڤا  نیوز

 

موقتەدا سەدر، ڕێبەریی ڕەوتی نیشتیمانی پەیامێکی لەبارەی دەستگیرکردنی نیکۆلاس مادۆرۆ، سەرۆکی ڤەنزوێلای لەلایەن ئەمریکاوە بڵاوکردەوە و دەڵێت، ئەوەی لە کاراکاس لەسەر دەستی ترەمپ ڕوویدا، پەیامێکی ڕوونە سەبارەت بە جیهانگیریی و خۆبەزلزانین.

 

چیرۆکی سەرەکی: ئەمڕۆ هێزە تایبەتەکانی ئەمریکا بە فەرمانی دۆناڵد ترەمپ، لە ئۆپراسیۆنێکی سەربازیی تایبەتدا "نیکۆلاس مادۆرۆ"ـی سەرۆکی ڤەنزوێلا و هاوسەرەکەیان لە کاراکاس پایتەختی ئەو وڵاتە دەستگیرکرد و گواستیانەوە بۆ ئەمریکا.

 

پەیامی فەرمی: موقتەدا سەدر، ڕێبەری ڕەوتی نیشتیمانی، لە پەیامێکدا ڕایگەیاند، ئەوەی ڕوویدا پەیامێکی ڕوون و ئاشکرایە بۆ هەموو ئەوانەی دژی سیاسەتی ئەمریکان، دەشڵێت، ڕەنگە دەستگیرکردنەکە پێچەوانەی یاسای نێودەوڵەتیی بێت، بەوپێیەش بێت ئەو هەنگاوە پەیامێکە بۆ هەموو ڕێکخراوە نێودەوڵەتییەکان، ئەنجوومەنی ئاسایش، نەتەوە یەکگرتووەکان و دادگای نێودەوڵەتی.

 

-سەرەڕای هەموو ئەوانەی ڕوویدا، پەیامێکی ئیلاهییش بوو بۆ شکستی ستەمکار و گەندەڵکاران.