مامۆستا و فەرمانبەرانی خوێندنی کوردی لە کەرکووک لە هەژماری من تۆمار دەکرێن

ئاڤا نیوز

 

پڕۆسەی تۆمارکردنی مووچەخۆران لە هەژماری من بەردەوامە پڕۆسەکە گەیشتووەتە کەرکووک، دەبێت لە ماوەیەکی دیاریکراودا فەرمانبەرانی خوێندنی کوردی لەو پارێزگایە فۆڕمی هەژماری من وەرگرن و پڕیبکەنەوە.

 

وێنە گەورەکە: پڕۆسەی تۆمارکردنی مامۆستایان و فەرمانبەران لە هەژماری من لە کۆی حەوت هەزار و 453 فەرمانبەر و مامۆستا، نزیکەی هەزار و 500 کەس دەگرێتەوە، کە سەر بە بەڕێوەبەرایەتیی خوێندی کوردین لە کەرکووک و لە نزیکەی 500 قوتابخانەی شارەکە دەوام دەکەن.

 

لێدوانی فەرمی: کامەران عەلی، بەڕێوەبەری خوێندی کوردی لە کەرکووک بە ئاڤا نیوزی گوت، "بەشێکی زۆری مامۆستایان و فەرمانبەران لەنێو  پڕۆسەکە تۆمارکراون، ئەو فەرمانبەر و مامۆستایانەی ماون دەبێت لە ماوەی هەفتەیەکدا فۆڕمی هەژماری من پڕبکەنەوە."

 

زانیاریی زیاتر: بە گوتەی بەڕێوەبەری خوێندی کوردی لە کەرکووک، مووچەخۆرانی خوێندنی کوردی لە بانکەکانی (TBI) مووچەکانیان وەردەگرن.