"سەربڕەکەی داعش" لە بەغدا دەستگیر دەکرێت

ئاڤا نیوز

 

هێزە ئەمنییەکانی عێراق یەکێک لە مەترسیدارترین سەرکردەکانی داعش لە بەغدا دەستگیر دەکەن کە بە "سەربڕەکەی داعش" ناوبانگی دەکردبوو.

 

وێنە گەورەکە: لە ماوەی ساڵانی 2014 تاوەکو 2017 ئەو کاتەی داعش کۆنترۆڵی بەشێک لە پارێزگاکانی عێراقی کردبوو، چەندین تاوانی دژ بە خەڵکی ئەو ناوچانە و هێزە ئەمنییەکانی عێراق و کەسانی بیانی ئەنجامدا، یەکێک لە قێزەونترین کارەکانیان سەربڕین بوو.

 

زانیاریی بەدەستهاتوو: سەرچاوەیەک لە پۆلیسی فیدراڵی ئەوەی بۆ میدیای عێراق ئاشکرا کردووە، بۆ دواجار هێزە ئەمنییەکانی عێراق توانییان یەکێک لە مەترسیدارترین سەرکردەکانی داعش بەناوی "وەلید دلێمی" دەستگیر بکەن، کە لە چوارچێوەی ویلایەتی باشووری داعش لە بەغدا کاری کردووە.

 

زانیاریی زیاتر: بە گوتەی ئەو سەرچاوەیە وەلید دلێمی یەکێک بووە لەو کەسانەی کە هەڵساوە بە سەربڕینی چەندین هاووڵاتی سڤیل و سەرباز، هەر بۆیەش لەناو داعش نازناوی بە "سەربڕی دەولە – دەوڵەتی ئیسلامی" لێنراوبوو.

 

شێوازی جێبەجێكردن: هەر بە گوتەی ئەو سەرچاوەیە، دەزگای هەواڵگری دوای زنجیرەیەک ئۆپەراسیۆنی هەواڵگریی و ڕاوەدونانی کە ساڵانێک بەردەوام بوو، دواجار توانییان لە ناوچەی دۆرە لە باشووری بەغدا دەستگیری بکەن.