لەسەر گەندەڵی فەرمانی دەستگیرکردن بۆ 22 بەرپرسی پلە باڵای عێراق دەردەکرێت

ئاڤا نیوز

 

دەستەی دەستپاکیی عێراق ڕایدەگەیێنێت، تەنیا لە مانگی تشرینی یەکەمی ئەمساڵدا لەسەر دۆسیەکانی گەندەڵی، فەرمانی دەستگیرکردن و بانگهێشتکردن بۆ 22 بەرپرسی پلە باڵا دەرکراوە.

 
وێنە گەورەکە: لەدوای ساڵی 2003ـەوە، گەندەڵی لە عێراق بووەتە دیاردە و سەرجەم دامەزراوەکانی دەوڵەتی گرتووەتەوە، ئێستاش گەیشتووەتە ئاستێكی مەترسیدار.

 

چیرۆکی سەرەکی: دەستەی دەستپاکیی عێراق, مانگانە ئاماری کارو چالاکییەکانی دەستەکەیان پەیوەست بە دۆسیەکانی گەندەڵی دارایی و کارگێڕی بڵاو دەکاتەوە.

 

ڕاگەیێنراوی فەرمی: بەپێی ئاماری دەستە تەنیا لە مانگی 10ی ئەمساڵ پەیوەست بە دۆسییەکانی گەندەڵی، فەرمانی دەستگیرکردن و بانگهێشتکردن بۆ 22 بەرپرسی پلە باڵا دەرکراوە، هاوکات 281 کەسیش بە بڕیاری دادوەر سزا دراون.