کەی بەفر و سەرما تەواو دەبێت؟

ئاڤا نیوز 

پێشبینی 48 کاتژمێرى داهاتووی کەشوهەوا بڵاوکرایەوە و پێشبینی دەکرێت بە بەراورد لەگەڵ دوێنێ، پلەکانی گەرما یەک تا دوو پلە بەرزبێتەوە.

وێنە گەورەکە: بەپێی پشبینییەکانی دەستەی کەشناسیی هەرێمی کوردستان، ئەمڕۆ پێنجشەممە، 28-11-2024، ئاسمان ساماڵ بێت و پلەکانی گەرماش نزیک دەبێتەوە لە تۆمارکراوەکانی پلەکانی ڕۆژی ڕابردوو.

 

ڕاگەیێنراوی فەرمیی: دەستەی کەشناسیی هەرێمی کوردستان، ئاماژەی بەوەش دا، کەشوهەوای سبەینێ هەینی، 29-11-2024،  ئاسمان ساماڵ دەبێت لەناوچە شاخاوییە سنوورییەکان بۆ نیمچە هەور دەگۆرێت، هەروەها پلەکانی گەرماش 1 تا 2 پلە بەراورد بە تۆمارکراوەکانى ئەمڕۆ بەرز دەبێتەوە.

لەلایەکی دیکەوە: شێخ دارا، شارەزا و پێشکەشکاری کەشوهەوای ئاڤا ڕایگەیاند: ئەمڕۆ پێنجشەممە، کەشوهەوای هەرێمی کوردستان بەرەو ئاسیبوونەوە دەچێت، هاوکات خێرای با کەمتر دەبێتەوە و پلەکانی گەرما بەرز دەبنەوە. 

 

باکگراوند: ماوەی دوو ڕۆژە، شەپۆلێکی سەرما، هەرێمی کوردستان و بەشێک لە وڵاتانی ناوچەکەی گرتووەتەوە و دوێنێ چوارشەممەش 27-11-2024، لە سنووری پارێزگای دهۆک و ئامێدی و حاجی ئۆمەرانی ئیدارەی سەربەخۆی سۆران بەفر باریوە.

پێشبینییەکانی کەشوهەوای هەرێمی کوردستان بەم شێوەیە:

هەولێر 11 پلەى سیلیزى.
سلێمانی  10 پلەى سیلیزى.
دهۆک  9 پلەى سیلیزى.
کەرکووک  12 پلەى سیلیزى.
هەڵەبجە 11 پلەى سیلیزى.
زاخۆ 11 پلەى سیلیزى.
حاجی ئۆمەران 3 پلەى سیلیزى.
سۆران 8  پلەى سیلیزى.
گەرمیان 13 پلەى سیلیزى.