مەسرور بارزانی بڕیاری دا مووچەی خانەنشینانی پێشمەرگە خەرج بکرێت

ئاڤا نیوز

بەهۆی خەرجنەكردنی لەلایەن حكومەتی فیدراڵەوە سەرجەم ئەو ئەفسەر و پێشمەرگانەی لە سەرەتای ئەمساڵەوە خانەنشین كراون مووچەیان پێ نەدراوە، سەرۆكوەزیران مەسرور بارزانی بە فەرمانێك كێشەكە چارەسەر دەكات.

چیرۆکی سەرەکی: دوای ئەوەی خانەنشین بوون و دۆسیەکانیان ڕەوانەی بەغدا کرا، لە سەرەتای ئەمساڵەوە هەزاران پێشمەرگە و ئەفسەر و پلەدار تائێستا هیچ مووچەیەکیان وەرنەگرتووە.

زانیاریی بەدەسهاتوو: سەرۆكوەزیران مەسرور بارزانی، بڕیاری دا، کێشەی مووچەی ئەو ئەفسەر و پلەدار و پێشمەرگانە چارەسەر بكرێت كە  لە 01-01-2025 بە دواوە خانەنشین بوونە و مووچەیان لەلایەن حکوومەتی فیدرالەوە خەرج نەکراوە.

زانیاریی زیاتر: سەرۆكوەزیران مەسرور بارزانی وەزارەتی دارایی و ئابووریی ڕاسپارد، سبەی پێنجشەممە 06-11-2025، مووچەیەکیان وەک پێشینە لەسەر داهاتی ناوخوی هەرێمی كوردستان بۆ خەرج بکات و بە زووترین کاتیش چارەسەری بابەتەكە بکرێت.