لە شارباژێڕ ژمارەیەکی زۆر دار بەڕووی دەبڕدرێنەوە

ئاڤا نیوز

لە سنووری شارباژێر ژمارەیەک دار بەڕوو بڕاوەتەوە، وتەبێژی بەڕێوەبەرایەتیی پۆلیسی دارستان و ژینگەی سلێمانی لەوبارەیەوە دەڵێت: 'کەسێک بە تۆمەتی بڕینەوەی دارەکان دەستگیر کراوە'.

لێدوانی فەرمی: عەمید هێمن کەمەرخان، وتەبێژی پۆلیسی دارستان و ژینگەی هەولێر ڕایگەیاند: 150 دار بەڕوو لە گوندی هەرمن لە سنووری شارباژێر بڕاوەتەوە، کە تەمەنیان لە نێوان یەک ساڵ بۆ 12 ساڵە.

لەلایەکی دیکەوە: وتەبێژی پۆلیسی دارستان و ژینگە وتی: ئەو کەسەی دارەکانی بڕیووەتەوە شوێنی دارەکانیشی سووتاندووە بۆ ئەوەی دارەکان جارێکی دیکە سەوز نەبنەوە، ویستوویەتی شوێنەکە بکات بە خانووە.

زانیاریی زیاتر: ئێستا کەسی تۆمەتبار دەستبەسەرە و پەڕاوی لێکۆڵینەوەی بۆ کراوەتەوە و ئاراستەی دادوەر کراوە، لە دادگای کەتنی شارباژێر دادگایی دەکرێت، تا کاتی دادگای بە کەفالەت ئازاد دەکرێت.