ئەمڕۆ زاخۆ زۆرترین و سلێمانی کەمترین بارانی لێ باریووە

ئاڤا نیوز

بەفر و باران بارین لە زۆربەی ناوچەکانی هەرێمی كوردستان بەردەوامە، پلەکانی گەرما بۆ ژێر سفر دابەزیوون، بەگوێرەی ئامارەکانی کەشناسی بێت، زۆرترین ڕێژەی باران بارین لە زاخۆ بووە و لەماوەی 12 کاتژمێردا 13 ملم بارانی لێ باریووە.

ڕاگەیێنراوی فەرمی: بەڕێوەبەرایەتیی گشتیی کەشناسی و بوومەلەرزەزانی کوردستان، ڕێژەی بەفر و بارانبارینی 12 کاتژمێری چەند ناوچەیەکی هەرێمی کوردستانی بڵاوکردەوە، بەگوێرەی ئەو ئامارە بێ، سلێمانی کەمترین بارانی لێ باریووە و زاخۆ زۆرترین.

ئامارەکان بەمجۆرەن:

٠ هەولێر: 4.7 ملم باران باریووە
٠ سلێمانی: دڵۆپ دڵۆپ باریوە
٠ دهۆک: 10.1 ملم
٠ زاخۆ: 13 ملم باران باریووە

بڕی بارینی بەفر لە ناوچە شاخاوییەکانی هەرێمی کوردستان بەمشێوەی خوارەوە بووە:

٠ ڕەواندز: 1.5 سم
٠ ناحیەی هێرۆ: 4 سم
٠ گوندی ڕێشە: 22 سم
٠ گوندی هاودییان: 7.5 سم
٠ قەڵادزێ، مەرزی کێڵێ: 10سم

ئەوەی پێشبینی دەکرێت: پێشبینی دەکرێت ئەمشەو شەپۆڵی بەفربارین لە سەرجەم ناوچە شاخاوییەکان و ئەو ناوچانەی کە نزیکن لە ناوچە شاخاوییەکان بەردەوام بێت، هاوکات شەپۆڵی نمە باران و بارانی مام ناوەندی پچڕ پچڕ بەردەوام دەبێت لە سەرجەم ناوچەکانی هەرێمی هەرێمی کوردستان، لەکاتەکانی نێوەڕۆدا شەپۆڵی بارانبارین لە سەر ناوچەکانی دهۆک و هەولێر و ناوچە شاخاوییەکانیان لاواز دەبێت، بەڵام کاریگەرییەکەی لە ڕۆژهەڵاتی هەرێمی کوردستان تا سبەی ئێوارە دەمێنێت، دواتر کۆتایی دێت.