بەهۆی نالەباریی کەشوهەواوە زانکۆی کۆیە وادەی تاقیکردنەوەکان دوادەخات

ئاڤا نیوز

ئەنجوومەنی زانکۆی کۆیە بڕیاری دا تاقیکردنەوەکانی ڕۆژی یەکشەممە (4-1-2026) بۆ ڕۆژی سێشەممە دوابخات، ئەمەش بەهۆی نالەباریی کەشوهەوا و بۆ ڕێگریکردن لە فەوتانی مافی قوتابییان.

بۆچی گرنگە: ئەم بڕیارە بۆ ئەوەیە کە ئاستەنگییەکانی هاتووچۆ نەبنە هۆی بێبەشبوونی قوتابییان لە تاقیکردنەوەکانی کۆتایی سیمستەری یەکەم، تاوەکو هەمووان بتوانن لە ژینگەیەکی گونجاودا تاقیکردنەوە ئەنجام بدەن.

ڕاگەیێنراوی فەرمی: هەر لە ڕاگەیێنراوەکەی زانکۆی کۆیەدا هاتووە،  تاقیکردنەوەکانی ڕۆژی یەکشەممە (4-1-2026) گواسترانەوە بۆ ڕۆژی سێشەممە (6-1-2026).

- تاقیکردنەوەکان بە هەمان خشتە و کاتی دیاریکراوی پێشوو ئەنجام دەدرێن.

لەلایەکی دیکەوە: ئەنجوومەنی زانکۆی سۆران بڕیاریدا خوێندنی قوتابییانی قۆناغی یەک لە هەموو فاکەڵتییەکان بۆ ماوەی هەفتەیەک بکاتە ئۆنلاین، ئەوەش بەهۆی نالەباریی کەشوهەوا و لە پێناو پاراستنی سەلامەتیی قوتابیان.


- ڕۆژی یەکشەممە (4-1-2026) دەوامی ئاسایی لە زانکۆی کۆیە دەستپێدەکاتەوە و تەنیا تاقیکردنەوەکان دواخراون.